Eintrag vom 1457-01-26Informationen zum Dokument

Gilig Waldner hat versaczt sein haws mit aller seiner zugehorung, gelegen in der Munsserstrass zenagst Oswalts Sweiker haws, der erbern Annen seiner hausfraun, die emalen Jorgen Obrechten auch elichen gehabt hat, umb drewhunder pfunt pfening, die von dem benanten Obrechten ir morgengab und pey der stat gruntpuch gelegen gewesen sein. Also das sy die ir lebteg innhaben, nuczen und niessen sol unverchumert und nach irm abgang sullen sy erben und gevallen auf des egenanten Obrechts nagst erben, darauf sy zu recht erben und gevallen sullen, ut littera sonat. Actum an Mittichen nach sand Pauls tag Conversionis, anno etc. lviio.

Summa ii ½ tl. d.

Barbara Niclasen Ekk zyngiesser hausfrau habet cedulam Nota der egenante brief ist in den rat gelegt, Jorgen Obrechts nagsten erben