Eintrag vom 1457-06-06Informationen zum Dokument

Gilig Knab, dieczeit der stat kamrer hat versaczt sein haws, gelegen am Harmarkt, zengst Petern Gwerlichs haws an ainem tail und mit dem andern zenagst Erharten Miselbekch haws. Der erbern seiner hausfrawn Elspeten, Otten des Meczner seligen tochter, die emalen Hannsen den Sorger auch eleichen gehabt hat, und desselben Sorger nagsten erben umb drewhundert phunt phening, die derselben Elspeten morgengab sein von dem egenanten Sorger irm erern mann seligen. Also daz sy die ir lebteg unverkumert innhaben, nüczen und niessen sol, als morgengab, solher saczes und der stat zu Wienn recht ist. Und nach irm abgang sullen denn dieselben drewhundert phunt phening morgengab auf dem egenanten haws, ob das alslang ungelöst pleibt, herwider erben und gevallen auf des egenanten Hannsen Sorger seligen nagst erben, darauf sy dann zu recht erben und gevallen sullen, ut littera sonat. Actun an Mittichen vor dem heiligen Palm tag, anno etc. lviio.

Summa nulla propter officium.

Nota den sacz habent Hans Menhart von Wels fur sich auch Lienharten Zawn an stat Ursulen seiner swester, als die negsten erben ledig gesagt, ut spruchbrif und quittung. Und von des gemechtbriefs wegen ist ain totbrif zum puch erlegt. Actum an Freitag nach unser lieben Fraun tag der Liechtmess, anno etc. lxxxmo.