Gedraut, Dietrichs Holfúss, burger ze Wienn hausfrau, die emalen Jacoben Olmúnsperger seligeen auch eelichen gehabt, hat versaczt die übertewrung irs halben hawss, ganntzes gelegen am Harmarkht zenagst weilent Jorgen von Nicolspurg hawss. Über die vierundzwaintzigk pfunt pfening, daruber dasselb halb hawss dem erbern maister Hannsen von Mistelbach, capplan der mess, die Jacob von Mergerstorf auf dem newn karner zú Sand Steffan gestift hat, und seinen nachkomen kapplén derselben mess vormalen darauf verschriben gewesen sind. Dem erbern priester, hern Micheln Wülfing, capplan der ewigen mess, die weilent Hans der Ustrer auf Sand Symons und Sand Judas altar dacz Sand Steffan ze Wienn ze stiften geschaft hat, und seinen nachkomen kapplén. Umb sechsundsibenczigk pfunt, sechs schilling Wienner pfenning, die ir der benant kapplan gelihen Hat und darzú gelassen hat ainen weingarten, in der Kelberspewnt gelegen, dem die benant Gedraut mitsambt dem benanten gelt ir Sein. Ir über dem durchgestrichenen sein eingefügt lebtég innhaben, nützen und niesen und alle jar zú der benanten mess davon raihen und geben sol acht pfunt pfenning, nach lautt ains bestanndbriefs daruber gegeben. Actum an Freytag vor dem Suntag Judica, anno etc. lxiiio.

Summa v s. ii d.