Gilg Pawm, burger ze Wienn hat vermacht Margreten, seiner hausfraun, Jacoben des Öczesdorffer seligen tochter vierhundert pfunt Wienner pfenning, die ir von irm benanten vater Jacoben und Elspeten seiner hausfraun, irer múter seligen erblichen angevallen sind und die der egenant Gilig von iren wegen eingenommen hat. Auf der übertew´rung seins hauss, gelegen ze Wienn in der Wollczeil mit dem vordern tail und mit dem hindern tail in der vordern Pekhenstrass, zenagst Wolfgangs Holnprunner hawss, über die zwayhundert pfunt Wienner pfenning haimstewr und über die drewhundert phunt Wienner pfennig morgengab, die ir der benant Gilg vormalen darauf vermacht hat. Also daz sy die vorgenanten vierhundert pfunt Wienner pfenning auf der übertewrung des benanten hawss freylich und lediglich haben und allen iren frumen damit hanndeln, schaffen und tun sol und mag, wie sy des verlust an meinglichs irrung und hindernüss ungeverlich. Actum an Sambstag nach Gotzleichnams tag, anno etc. lxiiio.

Summa iii tl. lxxx d.

Die egenant Margret, yecz Thomans Khollinger hawsfrauen habet cedulam.

Nota den satz hat ledig gesagt die obgenant Margret und die zedl zu dem puech bracht, die dann vernicht worden ist. Actum an Freitag nach Viti, anno etc.. 94.