Hanns Fridberger hat versaczt sein haus, gelegen ynnerhalb Stubentor zenagst · des Fliehenaschen haws, davon man jerlich dient hern Hannsen Veldpekchen, verweser der ewigen mess so die Urbetschen auf der zwelfboten altar zu Sant Steffan gestifft habent, viii tl. d. und hern Kunraten Kaczpecher, caplan zu der Himlparten, vii tl. d. alles ze purkrecht und nicht mer. Der erbern frawn Agnesen, Linharten des Lehenholczer ambtman in der Schefstrazz hausfraun, und iren erben, umb lxxx tl. d. und sind zu beczalen auf den nagstkunftigen sand Giligen tag. Beschéch daber des nicht, so sol der genant Fridberger und seine erben derselben Agnesen und iren erben oder wem si daz schafft darumb an das haus¹ in kaufsweis lediklichen vertigen und abtreten an alles vercziehen und an all widerred und ausczug ungeverlich. Actum an Mitichen vor Letare in der vasten, anno domini etc. xxxviiiio.

Summa v s. x d.

Habet cedulam.