Hanns Wolgemut, pewtler, hat versaczt sein haws, gelegen im Fluder zenachst dem haus daz weilnt Leben des Goltsmids gewesen ist. Den erbern Pauln Haiden, dem schuster, und Micheln Pulndorffer, dem gurtler, zu handen und als gerhaben Hennsleins des Sewser, Hannsen Sewser des schuster seligen sun, der noch nicht vogtber ist, und seinen erben, umb xv tl. d. zu beczalen, wen si die vordernt und nicht lenger peiten wellent darnach ynner den nachsten vier wochen und alle dieweil si das gelt innhaben, so sullen sy alle jar den egenanten gerhaben zu des egenanten Hensleins handen davon raihen und dienen xii s. d. zu den drein tegen an sant Jorgen tag, an sant Michels tag und ze Weichnachten zu yedem tag iiii s. d. an abslag des haubtguts, ut littera sonat. Actum an sant Agata tag, anno etc. xlmo.

Summa xxx d.