Eintrag vom 1441-05-17
Hanns Megenprecht, der goltsmid, hat verkaufft vier pfunt pfening geltz purkrechtz auf seinem halben haus, gelegen am Alten Kolmarkcht zenagst Jacoben von Brúnn des sneyder haus. Umb xxxii tl. d., der erbern geistlichen frawn, swester Kathrein der Dietraminn, priorinn dacz Sand Larenczen, dem convent gemain daselbs und irn nachkomen und sind zu dienen zu drin tagen und wider abzekauffen miteinander und den nagsten dinst damit der dann davon ze dienen gevellet an allen krieg, ut littera sonat. Actum an Mitichen nach sand Pangreczen tag, anno etc. xlio.
Summa lxxx d.
Das gelt ist zu dem puch gelegt, feria secunda ante Katherine.
Zitierhinweis
Eintrag vom 1441-05-17, Nr. 00488, In: Ertl, Thomas/Andorfer, Peter/Fiska, Patrick/Weinbergmair, Richard/Grünwald, Korbinian: Ein Wiener Grundbuch des 15. Jahrhunderts. Digitale Edition des Satzbuch CD (1438-1473). (Mai 2021), https://grundbuecher.acdh.oeaw.ac.at/e00488_1441-05-17.html