Eintrag vom 1441-06-12
Hanns Peiczkofer hat verseczt sein haus, gelegen in der Hindern Peknstrass zenagst des Oczestorffer haus. Seiner vodern hausfrawen Kathrein, Arnolts von Minden tochter seligen, nagsten erben, umb hundert phunt pfening, die im weilnt dieselb sein hausfrau zu haimsteur zubracht hat. Also daz er die sein lebtég unverkumert innhaben nuczen und niessen sol und mag und nach seim abgang sullen si hinwider erben und gevallen auf der egenanten seiner hausfrawen nagst erben. Darauf si dann zu recht erben und gevallen sullen die dann auch dasselb haus nuczen und niessen sullen solang, uncz das es des Peiczkofer nagst erben umb die c tl. d. von in losent, ut littera sonat. Actum an Montag vor sand Veits tag, anno etc. xlio.
Summa vi s. xx d.
Die vorgenanten c tl. d. hat Friedrich von Minden geerbt und ingenomen.
Zitierhinweis
Eintrag vom 1441-06-12, Nr. 00490, In: Ertl, Thomas/Andorfer, Peter/Fiska, Patrick/Weinbergmair, Richard/Grünwald, Korbinian: Ein Wiener Grundbuch des 15. Jahrhunderts. Digitale Edition des Satzbuch CD (1438-1473). (Mai 2021), https://grundbuecher.acdh.oeaw.ac.at/e00490_1441-06-12.html