Eintrag vom 1441-09-20Informationen zum Dokument

Hanns Frankch, burger zu Wienn hat versaczt sein haws, gelegen in der Wolczeil genant der Lederhof zenagst Paulen des Würffel haus. Dem erbern Gabrieln Grésenperger, diezeit kirchmaister dacz Sand Michel zu Wienn, und seinen nachkomen in der maynung als hernach begriffen wirdet, umb hundert und newnczig phunt pfening die von dem seinem¹ haws am Kolmarkht zenagst Wenczlaben Rawber haus gelegen daz er Kunczen dem Franken sneider zu kauffen geben hat, herkomen sind von des geschefftz wegen so im sein erere hausfrau Kathrey selige darauf hett getan. Also das er dieselb sumen pfening und ainen weingarten gelegen ze Medling genant der Popp, den die vorgenant sein hausfraw selige mitsambt der yeczgenanten sumen pfening zu ainer mess geschaft hat, innhaben nuczen und niessen sol sein lebtég als leibgedings recht ist und davon sol er alle jar ausrichten und geben viii tl. d, zu den vir quatembern im jar an abslag des haubtgutz und umb den benanten dinst sol er in der eberurten kirhen wochenlich sprechen lassen drey mess und alle jar ain jartag mit dreissig messen durch derselben seiner hausfraun sel hails willen, und nach seinem abgang sullen denn die genanten clxxxx tl. d. und der vorgenant weingarten gevallen zu stifftung der vorgemelten mess und selgerét und sullen sein nagst erben oder wem er das vorgenant haws schafft macht oder geit nach seinem tod oder wenn sie von ainem kirchmaister zu Sand Michel mit dem brief ermant werden darnach ynner dem nagsten halben jar die obgenant sum pfening ausrichten und beczaln an alles vercziehen die denn der vorgemelten mess anderswo an ein guts gut sullen gelegt werden, ut littera sonat. Actum an sand Mathens abend, anno etc. xlio.

Summa xii s. xx d.

Den sacz hat der Jorg Pruntaler kirchmaister ledig gesagt, an Mitichen nach sand Margreten tag, anno etc. xlviiii.