Eintrag vom 1441-11-03Informationen zum Dokument

Hanns Wigfring, der kuphersmid vor Kernertor zu Wien, und Kathrey, sein hausfraw, habent versaczt ir haus, gelegen daselbs vor Kernertor an der Mietstat zenagst Ulreichs Meichsner haus an aim tail. Junkfrawn Annen, der egenanten Kathrein tochter, die sie mit irm vodern mann Kunraten dem Kuphersmid elichen hat gehabt, umb xx tl. d., die derselben Kathrein haimsteur sein, und umb xxx tl. d. morgengab nach der stat rechten insolher maynung, das die obgenant Kathrey die benanten l tl. d. haimsteur und morgengab innhaben nuczen und niessen sol unverkumert ir lebteg und nach irm abgang sullen denn dieselben funfczig phunt pfening erben und gevallen auf die egenant Annen ir tochter, ob si dieselb zeit in leben ist. Wér aber das dieselb Anna mit tod abging ee denn die obgenant Kathrey ir mutter, so sind denn derselben Kathrein die egenanten xx tl. d. haimsteur genczlich wider ledig, aber die xxx tl. d. morgengab sol si dennoch ir lebtég innhaben nuczen und niessen unverkumert uncz an irn tod als morgengab und der stat recht ist und nach irm abgang, sullen denn dieselben xxx tl. d. herwider erben und gevallen auf des obgenanten Kunrats Kuphersmids seligen nagst erben darauf sy dann zu recht erben und gevallen sullen an allen krieg. Actum an Freitag post Omnium Sanctorum, anno etc. xlio.

Summa iii s. x d.

Habet cedulam Wigfring.

Perchtolt Kuphersmid habet cedulam.

Nota die obgenant Kathrey ist nach der egenanten irer tochter Annen mit tod abgangen und die xxx tl. d. sind gevallen auf Hannsen Pair den Kuphersmid und seine miterben utz quittung, die zum puch erlegt ist. Actum an Montag vor Barbaren, anno etc. lxxmo.