Eintrag vom 1441-11-03Informationen zum Dokument

Hanns Wigfring, der kuphersmid vor Kernertor zu Wienn, und Kathrey, sein hausfraw, habent versaczt die uberteurung irs hauss, gelegen daselbst an der mietstat zenagst Ulreichs Meichsner haus. Uber die fünfczig pfunt pfening, die junkfraun Annen, Kunrats Kuphersmits seligen tochter, emaln darauf in haimsteur und morgengab weis verschriben sein, den erbern Erharten von Kindberg, dem pekchen, und Jacoben Haider als geschefftleuten und zu handen der egenanten junkfraun Annen, von des geschefftz wegen so ir der egenant ir vater seliger getan hat, umb xxxv tl. d. und sind zu beczaln, wenn dieselb Anna vogtpér wirdet und zu irn beschaiden jarn kumbt, an alles vercziehen Wér aber daz dieselb Anna mit tod abging ee denn si vogtbér wurde, so sullen denn der egenanten sumen phening erben und gevallen xii tl. d. auf die egenant Kathrein ir mutter und ir erben oder wem si die schafft, und die ubrigen xxiii tl. d. auf der egenant Annen nagst erben darauf sy dann zu recht erben und gevallen sullen an alle irrung und hindernusse ungeverlich. Actum an Freitag post Omnium Sanctorum, anno etc. xlio.

Summa lxx d.

Habet cedulam Wigfring.

Perchtolt Kuphersmid habet cedulam.

Nota die egenant xii tl. d. sind der vorgenanten Kathrein auf dem haus her nach der egenanten junkfraun Annen abgang ledig worden und die ubrigen xxiii tl. d. hat der Wigfring und Kathrey, sein hausfrau zu dem gruntpúch nidergelegt der egenanten junkfraun Annen nagsten erben den si von recht zugeburen sullen. Actum an Mitichen post Jeory anno etc. xlvto. und sullen nicht ausgeben werden dem vorgenanten Berchtold Kuphersmid geb die gruntzedl wider zum puch.

Nota das gelt die egenanten xxiii tl. d. hat Berchtolt Kuphersmid und seine geswistreyd geerbt und ingenomen und darbei ain versorgnuss geben zu puch ano ut supra.