Hainreich Stumphwegk, der sneider, und Anna, sein hausfraw, habent verkauft achtthalb phunt pfening geltz purkrechts auf irm drittail hauss, gelegen im Schiltergesslein gegen Jacobs von Velach haws über zenagst Jacoben von Micheln des Tuchscherer haus an aim tail. Umb lxxv tl. d. dem erbern weisen Steffan Awér, diezeit spitalmaister der burgerspital vor Kernertor zu Wienn, und seinen nachkomen und sind zu dienn zu drin tegen und wider abzekauffen miteinander und den negsten dinst damit, ut littera sonat. Actum an Mitichen vor unsers herren auffert tag, anno etc. xliido.

Summa v s. d.