Eintrag vom 1445-11-05 Informationen zum Dokument

Hanns Haringséer, dieczeit burgermaister, und der rat der stat zu Wienn habent als óbrist gerhaben und anstat Jacoben und junkfraun Kathrein, Micheln des Lienfelder seligen kinder, versaczt ain haws das des egnanten irs vater gewesen ist, gelegen in der Kérnerstrass zenagst Hannsen Grossen haws. Dem erbern Andren Schönpruker und seinn erben, umb sechshundert drewundfünfczig pfunt achtunddreissig pfening und sind zu beczalen von der egnanten kinder ungetailtem gut das in ir vater seliger hinder sein gelassen hat in solher maynung zeit und frist, als das in desselben Andres heiratt von der obgenanten junkfraun Kathrein wegen némlich beredt ist und zugedechtnuss in dem statpuch zu Wienn geschriben stet an all widerred und vercziehen ungeverlich, ut littera sonat. Actum an Freitag vor sant Mertten tag, anno etc. xlvto.

Summa nulla ex iussu consily

Nota die genanten dcliii tl. xxxviii d. hat man dem Andre Schonprugker an den kauff des hauss abzogen als daz in Jacoben Linfelder und seiner swester tailbriefen und nemlich in des genanten Schonprugker kaufbrief geschriben stet. Actum an Samstag Montag¹ vor Jeorii, ano etc. lo.