Hanns Sorger hat versaczt sein haus, gelegen am Harmarkt gegen dem Waghaws über zenagst Hannsen des Aczinger haws, davon man jèrlich dint hern Jörgen Schrot caplan Sant Peters cappelln zu Wienn, dieczeit verweser der ewigen mess die Eberhart Kasstner auf unser fraun altar in derselben cappelln ze stifften geschafft hat, zehen pfund pfening und den geistlichen fraun hincz Sant Larenczen achczehenthalb pfund phening zu púrkrecht und nicht mer. Der erbern Elspeten, seiner hausfraun Hannsen des Newnhauser seligen tochtter, umb drewhundert pfund phening, die sy im zu haymsteur zuepracht hat und umb fünfthalbhundert pfund phening, die er ír daengegen zu morgengab gelobt hat zu geben, alles nach der statrechten hie zu Wienn ungeverlich, ut littera sonat. Actum an Mittichen vor unsers Herren Auffarttag, anno etc. xlvto.

Summa vi tl. lx d.

Der sacz ist resscribend worden ut patet folio clxiii.