Hanns Haringseer, dieczeit burgermaister zu Wienn, und Anna, sein hausfrau, habent verkaufft zehen pfund Wienner pfening gelts purkrechts auf irm haus, gelegen in der Münsserstrasse genant des Smerbekchen haus zenagst Petern des Strasser haus, davon man jerlich dint hern Larenczen von Brúnn, capplan der messe die weilent die Weispacherin ir swiger und muter selige dacz Sant Steffan zu Wienn gestifft hat, sibenczehen pfund phening zu purkrecht und nicht mer. Umb hundert zwayundfunfczig pfunt phening, und sind emalen gelegen gewesen auf irs aidms Oswalts Sweiker haus, dem erbern herren hern Hannsen dem Hendl, kaplan der ewigen messe die weilent Niclas der Karner auf Sant Jacobs altar zu Sand Steffan zu stifften geschafft hat, und seinen nachkomen und sind zu dienen zu drein tégen und wider abzukauffen miteinander und den nagsten dinst damit, ut littera sonat. Actum an Freitag vor sant Lucein tag, anno etc. xlvto.
Summa nulla propter officium
Datz purkrecht ist zum puch erlegt, an sand Michels tag1 xlvii.