Hanns Eysenkekch, der goltsmid, hat versatczt sein haus, gelegen in der Kérnerstrass zenagst Erharts Glokengiesser haus. Dem erbern Wilhalmen Merttinger, burger zu Wienn, und seiner vordern hausfraun Annen, Berchtolts Schúczperger seligen tochtter, négsten erben, umb hundert pfund Wienner pfening, und sind herkomen von dem haus gegen dem brobsthof über das derselb Merttinger verchaufft hat, und sind sein leibgeding und alle dieweil der egenant Eisenkekch die benanten hundert pfund phening innhat, so sol er dem egnanten Merttinger sein lebttég alle jar davon dienen zehen pfund phening zu den drein tégen im jar zu sand Jorgen tag, zu sant Michels tag und zu Weichnachten zu yedem tag drew pfunt achczig pfening und wenn der egenant Merttinger mit tod abgeet, so sol er oder sein erben die benanten hundert pfund phening ausrichtten und beczalen der obgnanten fraun Annen seligen nagsten erben den das rechtlich zugeburt nach solhem des Merttinger abgang ynner dem nagsten moneid anvercziehen, ut littera sonat. Actum an Montag nach Oculi in der vassten, anno etc. xlvito.

Summa vi s. xx d.

Nota die genanten c tl. d. hat der Eisenkekch nidergelegt zu dem puch, feria quarta ante Michaelis xlvito.