Hanns Planér, der ledrer, hat versaczt sein haus die uberteurung seins hauss und hofstat weingarten, daran gelegen vor Stubentor im Gereutt zenagst der Mülgassen. Über die lx tl. d., die fraun Margreten, weilent Hannsen Drumawer ersten hausfraun, nagsten erben vor darauf verphentt sein, dem erbern Mathesen Vinster, dem pader, als gerhaben und zu handen Hannsen und Kathrein, seiner steufenenkchlein des egnanten Drumawer, und Kunigunden, seiner andern hausfraun seligen kindern, und irn erben den das rechtlich zugehort umb hundert funfundzwainczig pfunt phening, die weilent der egnant Drumawer der vorgnanten Kunigunden auf dem benanten haus zu haimsteur und morgengab verschriben gehabt hat, und sind zu beczalen wenn die vorgnanten kinder vogptér werdent darnach ynner dem nagsten halben jar an alles vercziehen und sol auch dieselben kinder dieczeit innhaben mit kost und gewant und andern notdurfften versorgen an abslag irs guts, ut littera sonat. Actum an Montag vor sand Peters und sand Pauls tag, anno etc. xlvito.

Summa i tl. x d.

Ex iussu consilii

Nota der vorgnant saczbrief ligt im Ratturrn

Ruberen 33

Nota die egenanten c und xxv tl. d. hat die egnant Kathrey, Hannsen Drumawer tochtter Florians Krotentaler seligen witib, und den sacz ledig gesagt dem egnanten irm steufvater an sand Gregorgen tag, anno etc. lxmo.