Eintrag vom 1450-07-13Informationen zum Dokument

Hanns Sorger hat versaczt sein haws, gele

Hanns Sorger hat versaczt die uberteurung seins hauss, darinn er yecz wonhafft ist, gelegen am Harmarkt gegen dem waghaus uber, zenagst Erasms Ponhaimer haus. Über die achtthalbhundert phund phening haimsteur und morgengab, die er seiner hausfraun Elspethen nach lautt irs briefs vormalen darauf verschriben hat, dem ersamen herren, herren Steffan Hawg, dieczeit pharrer zu Lostorf und seinen erben gelihens gelts umb hundert phund phening. Und sind zu beczaln von dem nagstkunfftigen Sand Michels tag uber drew gancze jar, die négst nacheinander komend an alles vercziehen. Und davon sullen der egnant Sorger und sein erben dem benanten herren Stephan und seinen erben dieselben drew jar jerlich raihen und dienen acht pfund phening, halb an sand Jorgen tag und halb an sant Michels tag. Und sullen mit dem ersten dinst anheben an sand Jorgen tag nagstkünfftigen an abslag des haubtguts, ut littera. Actum an Montag nach sand Margrethen tag, anno domini etc. lmo.

Summa vi s. xx. d.