Eintrag vom 1454-11-04Informationen zum Dokument

Hanns Keusch hat versaczt die uberteurung seins hauss und zuhauss, aneinander gelegen am alten Fleischmarkt am egk, zenagst dem gesslein, als man zu Kollner hof get, an aim tail und an dem andern zenagst Otten des Meczner haws. Uber die hundert pfund pfening, die sein erere hausfraw Agnes die Lempershaimerinn selige zuhilff der messe auf Sand Florians altar zu Sand Steffan zu Wienn geschafft hat, nach lautt irs gescheffts, das in dem statpuch geschriben stet, und auf dem haws mit seiner zugehorung dem caplan der egnanten messe vormalen verpfentt sein, nach lautt des gruntpuchs. Und uber die zwaihundert pfund pfening haimsteur und morgengab, die er Kathrein seiner hausfraun nachmalen darauf verschriben hat, nach lautt ains heirattbriefs darumb gegeben. Derselben Kathrein seiner hausfraun, die emalen Niclasen Krug seligen auch elichen gehabt hat, und desselben Krug nagsten erben¹ umb anderthalb hundert pfund pfening. Also das die sein hausfrau unverkumert innhaben, núczen und niessen sol ir lebtteg, als leibgedings recht ist. Und nach irm abgang sullen dieselben anderthalbhundert pfund pfening hinwider erben und gevallen auf des egnanten Krug seligen nagst erben, darauf die dann zu recht erben und gevallen sullen, ut littera sonat. Actum an Montag nach Allerheiligen tag, anno etc. liiiito.

Summa nulla propter priorem.

Habet cedulam.

Item Erhart Krug hat sein gerechtikait den an den egenanten i ½c tl. d. morgengab dem Keuschen lediklich ubergeben. Und den andern halben tail daran habent ingenomen von dem Kewschen Philipp, Paul und Thomas die Litschawer, anstat Kathrein irer swester und junkfraun Martha irer swestern, Petern des Litschawer irs prudern tochtern, und Wolfgang Altschaffen, anstat Elspeten seiner hausfrauen, der egenanten Litschawer swester, nach laut ains briefs den der genant Kewsch innhat. Actum an sand Peters und sand Pauls abent, anno etc. lvto. Und dieselben brief all ligent pei dem puch zu schauen.