Hanns Warnhofer hat verchaufft zwainczig pfund pfening gelts purkrechts auf seim haws, gelegen an des herczogen hof zu Wienn, zenagst der Weissenpruder freithof an ainem tail und an dem andern zenagst Hainrichs von Essling des pekchen haws, da man von dem Höflein des egnanten hawss alle jar dint der stat zu Wienn ain pfund pfening zu gruntdinst und nicht mer. Umb zwaihundert pfund pfening dem erbern briester, hern Wolfgangen Eker, dieczeit caplan der messe, die her Cristan Rew`tter von Rotenburg auf der Heiligen Dreier Kunigen altar, zu der Himlporten gelegen, gestifft hat, und seinen nachkomen caplénen derselben messe. Und sind zu dienn zu drin tégen und wider abczukauffen und den nagsten damit, ut littera sonat. Actum an Mittichen vor sand Niclas tag, anno etc. liiiito.

Summa xiii s. x. d.

Hawss stet nutz und gwer Kuntz Lannkhamer und Petúlla uxor, folio 63, libro novo E. Und habent ic tl. d. aus den benanten iic tl. d. auf sich und das bemelt haws genomen, utz libro novo E, folio 21. Und die andern ic tl. d. hat Jorg Klee und Kathrey sein hausfrau auf ir haws an des herczogen hof zu des pharrer zu Alach gruntpuch genomen, ut littera im rat erlegt, anno 88.