Eintrag vom 1454-12-02Informationen zum Dokument

Her Hanns Steger hat versaczt die uberteurung seins hawss mit aller seiner zugehorung, genant Sand Margreten hof, gelegen in der Münsserstrass zenagst Petern des Strasser haws, uber die sechshundert pfund pfening haimsteur und widerlegung, die er seiner hausfraun Magdalen, Symons Eschpaus tochter nach lautt irs heiratbriefs vormalen darauf verschriben sein. Und uber die virhundert pfund pfening, die er ir darnach auch darauf verschriben hat nach lautt ains saczbriefs und uber die zwaihundert pfunt pfening, die er ir nachmalen darauf verpfentt hat, auch nach lautt ains saczbriefs. Und die benant ubertewrung hauss mit aller seiner zugehorung hat er nu aber versaczt der egnanten Magdalen, seiner hausfraun und irn erben oder, wem si die schafft, macht oder geit umb sechshundert pfund phening. Und sind zu beczaln, wenn si die ervordernt und nicht lenger peiten wellent, darnach inner dem nagsten jar an alles vercziehen, ut littera sonat. Actum an Montag nach sand Andres tag, anno etc. liiiito.

Summa ii ½ tl. d., altera pars vacat propter summam priorem.