Eintrag vom 1457-01-28Informationen zum Dokument

Hanns Meurl und Anna sein hausfrau habent versaczt ir haws, gelegen am alten Kolmarkcht zenagst Andres Meichsner des goltsmids haws, dem erbern Casparn Jordaner, Annen seiner hausfraun und irn paiden erben umb zwayhundert drewunddreissig pfund und achczig pfening. Und sind zu beczalen anderthalbhundert pfunt pfening auf die nagstkunfftigen Weichnachten und drewundachczig pfund und achczig pfening von denselben nagstkunftigen Weichnachten über ain ganczes jare. Und sullen in auch dasselbig jar davon raihen und dienn acht pfund pfening, halb an sand Jorgen tag und halb an sand Michels tag. Und sullen mit dem ersten dinst anheben von sand Jorgen tag nagstkunftigen uber ain ganczs jar an alles vercziehen, ut littera sonat. Actum an Freitag vor unser Fraun tag der Liechtmess, anno etc. lviio.

Summa xv s. xvi d.