Hanns Gebel und Felicitas sein hausfrau, Hannsen Han seligen tochter habent versaczt ir haws, gelegen in der Kernerstrass, zenagst dem gesslein mit ainer seitten und mit der andern zenagst Erharts Han von Salczpurg haus. Davon man jerlich dint maister Micheln Klingenstain, capellan der messe, die Piligreim Snéczl auf Unser Fraun altar in Sant Ruprechts capellen gestifft hat, sechs pfunt pfening zu purkrecht und nicht mer. Dem edeln vesten ritter, hern Jorgen dem Perkhaimer, Susannen seiner hausfraun und irn paiden erben umb hundert pfunt pfening landeswerung in Osterreich. Und sind zu beczalen auf sand Michels tag nagstkunftigen an alles vercziehen, ut littera. Actum an Freitag vor sand Gregorien tag, anno domini etc. lviio.
Nota die benanten ic tl. d. habend Preu Késer, layguster zu Sand Stephan und Margret sein hausfrau auf sich genomen und di sullen die bezalen, nach innhalt des obgenanten sacz.
Nota den obgenanten sacz habend mein herren, burgermaister und rat geschaft aufczethun und Caspar Perkhaimer hat1 darumb ain schermbrief zu puch erlegt. Actum an Montag post Crucis Inventionis, anno etc. lxviiii.