Eintrag vom 1457-03-21Informationen zum Dokument

Hanns Gorser hat verchaufft vir pfunt pfening gelts purkrechts auf seim haws, gelegen am Alten Rossmarkcht zenagst weilent Conrats Kophdrechsl haws, umb virundsechczig pfunt pfening. Den erbern Hannsen Marhegker, Giligen Waldner, Micheln Anthofer und Steffan Pusenperger, zingiesser, burgern zu Wienn, dieczeit zechmaistern Unsers Frawnzech zu Sant Steffan und allen irn nachkomen zechmaistern. Davon sullen sy aus der zech daselbs alle jar zwen ewig jarteg ausrichten und begeen, ain zu sant Veits tag und den andern zu sant Jacobs tag im snit, oder aber ains yeglichen tags ynner den nagsten acht tagen vor oder hinnach, mit aim gesungen selambt nach gewonhait Unser Fraun pruderschafft und mit virundczwainczig stekchkerczen, die pey demselben selambt prinen sullen. Und sind zu dienn zu zwain tégen und wider abczukauffen miteinander und den nagsten dinst damit, ut littera. Actum an Montag nach Oculi in der vasten, anno domini etc. lviio.

Summa ½ tl. viii d.