Helen, Wenczlaben Sporew´gleins hausfraw, Stephans Meichsner seligen tochter hat versaczt ir drey tail hawss, gelegen in der Wolczeil niden am egk, genant der Janyn haws und stosset mit dem hindern tail in die vodern Schulstrass, zenagst Hannsen Spandorffer des pedelln haws. Mit ab Mit allen den gemechen und gemainen stukchen, die nach laut der stu tailbrief darczu gehornt, dem erbern Ulreichen Meichsner, irm pruder und seinen erben umb dritthalbhundert Ungrisch guldein in gold. Und sind zu beczaln alle jar an sand Jacobs tag im snit funfczig Ungrisch guldein, solang uncz daz si der egenanten dritthalbhundert Ungrisch guldein gancz beczalt werden. Und sullen mit der ersten werung anheben an sand Jacobs tag im snit schiristkunftig an alles vercziehen, ut littera sonat. Actum an Mitichen vor dem Suntag Letare in der vasten, anno domini etc. lvii.

Summa ii tl. xx. d.

Nota der egenant Ulrich Meichsner hat den sacz ledig gesagt und den saczbrief der egenanten Helen ubergeben, in gegenburtikait Stephans Tengken und Stephans des Stréssl.