Hanns Welser hat versaczt sein haws, gelegen in der Wolczeil zenagst der padstuben, den erbern Steffan Tenken und Hannsen Frankchen, annstat und zu handen Yeronym, Hannsen von Wels, seins vorvordern seligen sun, der noch nicht vogtper ist, und seinen erben vaterhalben. Umb zwaihundert pfund pfening und sind zu beczalen, wenn derselb Yeronym vogtper wirdet, oder, ob er ungevogt abging, darnach seinen erben vaterhalben an alles vercziehen. Und sol in auch dieczeit innhaben, ziehen und verwesen, auch mit kosst, gewant und mit allen andern seinen notdurfften versorgen, an abslag seins guts, ut littera sonat. Actum an Montag nach Judica in der vasten, anno domini etc. lviio.

Summa xiii s. x. d.

Item umb das ain hundert phunt hat die Welserin den weingarten, genant der schreiber, ledig gesagt. Dann das ander hundert phunt hat Steffan Tengk zu des Yeronymi handen ingenomen und den sacz ledig gesagt. An mitichen vor Sand Petronellen tag, anno etc. lviiii.