Hanns Schelhamer, hafner, hat versaczt sein haws, gelegen pey Sand Larenczen undern Hafner, zenagst Hannsen Newnkircher des hafner haws an aim tail. Dem erbern Cristan Pretschelich, dem hafner zu Perssenpeug, zu handen Margreten seiner tochter, die er pey seiner erern hausfraun Dorothen, Kunrats Kuphersmids tochter gehabt hat, und irn erben umb funfczig pfund pfening. Und sind zu beczalen, wan die egenant Margreth vogtper wirt oder, ob sy ungevogte abging, irn nagsten erben an alles vercziehen, ut littera. Actum an Montag vor des heiligen Kreuczs tag, als es erfunden ist, anno domini etc. lvii.
Summa iii s. x. d.
Kristan Pretschelich habet cedulam.
Steffan Pair ... … …
Nota Ulrich Grebmer und Anna sein hausfrau und Lienhart Payner und Elsbet sein hausfrau sind des hauss nutz und gewer komen und habent den satz auf sich genomen. Actum an Freytag post Viti, anno etc. lxv.
Nota der obgenant Ulrich Gebmer und Anna sein hausfrau habend Stephann dem Kupphersmid, als der benanten Margreten, die ungevogt abgangen ist, nagsten erben an den obgeschriben l tl. d. ausgericht und betzalt xxx tl. d, nach lautt der quittung, so sy darumb habend. Actum an Mitichen vor Nativitatis Marie, anno etc. lxvto.
Nota von des sacz wegen ist ein schermbrief zum puch erlegt 80.
Nota den obgenanten sacz um die fünfczigk tl. d habend die erbern hern Kristan Schelhaimer, korher zu Sand Dorothee hie ze Wien und sein miterben ains tails und Wolfgang Pusch und junckfrau Barbara, Kathrein der Maisserin tochter d des andern tails, die der haws nucz und gewer komen sind, ut libro venditionum1 cc lxxi auf sich und das egenant hawss genomen etc.
Nota die übermass xx tl. d. sein auch beczalt, ut quittung ains von den geistlichen herren den predigern zu Brünn und die annder von Margret Hitteiner Padiner mit ambt zwain schermbrief zum gruntbuch erlegt an Pangrezen anno etc. 80.