Eintrag vom 1457-12-10Informationen zum Dokument

Hanns Schreiner, grifflsmid, hat verkaufft dritthalb pfunt, virundczwainczig pfening geltz purkrechts auf seinem haws, gelegen hinder Sant Pangreczen zenagst Jorgen Zwetler des eisenczieher haws. Davon man jerlich dint dem pfarrer zu Sant Johanns in der Siehenalss zehen schilling pfening zu purkrecht, die abczulosen sind mit zehen pfunt pfeningen, nach lautt ains purkrechtbriefs, und nicht mer. Dem erbern heren Thoman Peczleinstorffer, caplan der mess auf Sand Annen altar in Unser Fraun cappellen auf der Stetten zu Wienn, der Rukchendorffer lehenschafft, und seinen nachkómen cappelanen umb sechsundczwainczig pfunt pfening, die emaln gelegen sind auf Mertten Scheper des appoteker haws. Und sind zu dienn zu drein tégen und wider abczukauffen miteinander und den nagsten dinst damit, ut littera. Actum an Sambstag vor sand Lucein tag, anno domini etc. lvii.

Summa lii d.

Nota das purkrecht ist abgelost und auf Wolfgangen Huendorffer haws vor Stubentor auf der Wienn, in unsers allergnedigsten herrn des Römisch kaiserlichen etc. gruntpuch, uber das ambt in der Schefstrass daselbs vor Stubentor verschriben.