Hanns Schreiner, griffelsmid hat versaczt sein haws, gelegen hinder Sand Pangreczen zenagst Jorgen Zwetler des eisenczieher haws. Davon man jerlich dint dem pfarrer zu Sand Johanns in der Siehenalss zehen schilling pfening und dem capplan der mess auf Sand Annen altar in Unser Fraun capelln auf der Stetten zu Wienn dritthalb pfunt pfening, alles zu purkrecht, nach lautt zwairer purkrechtbrief, und nicht mer. Dem erbern Ulreichen Hésler umb funfczig pfunt pfening und sind zu beczalen auf sand Mertten tag schiristkunftigen und nicht mer an alles vercziehen. Actum an Mittichen nach sand Lucein tag, anno domini etc. lvii.

Summa iii s. x. d.

Hedweig habet cedulam.

Nota xl tl. d. sind Agnesen des Häsler tochter von des obgenanten sacz wegen und von aller varunder hab wegen irs vaters des Häsler vergütt worden auf weingarten, nach lautt ains geltbrief und zwair gruntzedel, die Hanns Zochman ir gerhab innhat. Actum in die Scolastice, anno etc. lxii.