Hanns Kalschinger der schuster zu Wienn und Margreth sein hausfraw habent verkaufft sechs phunt phening geltes purkchrechts auf írm haws, gelegen im Schiltergesslein am egk zenagst Jörgen Ebinger des tuchscherér haws, umb funfczigk phunt phening, die emaln auf Ulreichs Lanndes des zingiesser halben haws am Alten Rossmarkt gelegen sind, die man darab geledigt hat. Dem erbern hern Petern von Wienn, caplan der mess, die maister Albertiny der Pucharczt auf Unser Frawn altar dacz Sand Stephan zu Wienn gestifft hat, und seinen nachkomen und sind zu dienn zu drein tégen und wider abczukauffen miteinander und den nagsten dinst damit, ut littera sonat. Actum an Freitag vor Oculi in der vasten, anno etc. lviiio.

Summa iii s. x. d.

Nota des obgenanten hawss ist der Kalschinger allain an die gewer kómen und hat das purkhrecht allain auf sich und das egenant haws genomen.