Eintrag vom 1458-07-24Informationen zum Dokument

Helen, Kúnrats des Kraphen hausfraw, die emaln Hannsen Waldegker den hüter seligen auch elichen hat gehabt, hat versaczt. Virundvirczigk phunt phening aus den sechczigk phunt phening, die ir weilent der egenant Hanns Waldegker seliger auf seinem haws im Hoffgesslein, zenagst Hannsen Strasser des fürer haws gelegen, zu haymstewr verschriben gehabt hat und ir mit desselben írs manns seligen abgang ledig worden sein, nach lautt írs heiratbriefs, so sy daruber hat. Dem ersamen herren, heren Petern Liepharter, chorheren dacz Sand Steffan hie zu Wienn und seinen erben und sind dieselben xliiii tl. d. zu beczallen halb auf die nagstkünftigen Weichnachten und halb von denselben Weichnachten, über ain jar an alles vercziehen. Actum an sand Jacobs abent im snit, anno etc. lviiio.

Summa lxxxviii d.

Habet cedulam.