Hanns Hiltprant, griffelsmid, gesessen hinder Sand Pangréczen, hat gemacht und verschriben hern Jorgen Fürberger, seinem swager auf seinem haws hinder Sand Pangrétzen, zwischen Jorgen Zwetler und Jörgen Pirchinger der smid hew´sern. Davon man jerlich dint der burgerspital vii s. d. und dem caplan der mess, die der Reichl auf dem letter hincz Sand Michel gestifft hat, ain phunt phening, alles zu purkchrecht und nicht mer. Hundert phunt phening lanndeswerung, also wann der egenant her Jörg die benanten hundert phunt phening ervordert, so sullen denn der egenant Hiltprant oder sein erben im die ausrichten an vercziehen. Ob sie den aber nicht teten, so mag er derselben phening von dem egenanten haws bekomen, als der stat recht ist. Beschéch aber, das derselb her Jörg mit tod abging ee denn derselb Hiltprant und ee wann das gelt beczalt würd, so sol dann derselb Hiltprant aus der sumen lx tl. d. geben und ausrichten, dahin sy derselb her Jörg bei seinem leben zugeben schaffen wirdet. Und die ubrigen xl tl. d. sullen dem egenanten Hiltpranten und seiner hausfrawn, Dorothen seiner swester auf dem haws wider ledig sein. Beschéch aber, das der egenant Hanns Hiltprant mit dem tod abging ee wenn solh beczalung der c tl. d. von im getan würd und in die benant Dorothe sein hausfraw und der egenant her Jörg ír pruder oder ír ains überlebten, so sullen sy dann baide oder ír ains, die dann nach im in leben sind, das vorgenant haws für die obgenant sum phening ledigklichen haben und allen iren frumen damit schaffen, ut littera sonat. Actum an Freitag vor Sand Elspeten tag, anno etc. lviiio.

Summa vii s. xx d.