Hanns Grym, kursner, und Barbara sein hausfraw habent versaczt die uberteurung írs hawss, gelegen bey Sand Michel in der Schawfllukchen, zenagst weilent Jacoben von Prünn des sneider haws, uber die fünfczigk phunt phening, darumb es hern Micheln Wülfing und seinen erben emaln versaczt ist. Dem erbern Wolfgangen Kotrer dem kürsner und seinen erben umb sechczigk guter newer Ungerischer guldein, gerecht in gold und wag, und sind zu beczallen von dem nagstvergangen unsers Hern Auffart tag, uber drew jar an alles vercziehen. Actum an Mittichen vor sand Pangreczen tag, anno etc. lviiiio.

Summa iii s. d. altera pars vacat propter captivitatem.