Hanns Grym, kürsner, und Barbara sein hausfraw habent versaczt die ubertewrung irs hawss, gelegen bey Sand Michel in der Schawflukchen, zenagst weilent Jacoben von Prünn des sneider haws, uber die funfczig phunt phening, darumb es hern Micheln Wülfing und seinen erben eemalen versaczt ist gewesen. Dem erbern Wolfgangen Kottrer dem kursner und seinen erben umb sechczig guter newer Ungrischer guldein, gerecht in gold und wag, und sind zu beczalen von dem nagstkunftigen unsers Herrn Auffart tag, uber drew jar an alles vercziehen. Und sullen in die benanten drew jar alle jar davon raihen und dienn vir Ungrischer guldein und drew orter guldein, zu den drein tegén im jar, zu sand Michels tag, zu Weichnachten und zu sand Jorgen tag, zu yedem tag ain guldein und ain ort und ain drittail eins guldein. Und sullen mit dem ersten dinst anheben an sand Michels tag nagstkunftig anvercziehen und an abslag des haubtguts ungeverlich. Actum an Mitichen vor sand Pangreczen tag, anno etc. lviiiio.

Summa nulla propter summam priorem.

Wolfganng Kottrer habet cedulam.

Nota den sacz hat Wolfgang Kottrer ledig gesagt an Freitag vor Invocavit, lxxxiii.