Hanns Gelestorff hat verkaufft zwelf schilling phening geltes ewigs gelts auf der ubertewrung seins hawss, gelegen in der vodern Pekchenstrass zenagst Micheln des Schern haws, uber die funfhundert pfunt phening haimstewr und morgengab, so er seiner hausfraun Kathrein vor darauf verschriben hat, nach lautt ains briefs, den sy darumb hat. Die man jerlichen dienn sol an sand Michels tag dem frumen mann, der die gefangen laitt und tröst, die man vom leben zum tod bringen wil. Und sind herkomen von frawn Kathein der Guten Kunradeinn geschefft, daz sy getan hat. Und wan man die egnanten xii s. d. gelcz nymer dienn will, so mag man die abkauffen mit zwain und dreissig phunt pheningen, die diselb zeit gib und geb sein. Actum an Freitag vor sand Giligen tag, anno etc. lviiii.

Summa xxxii d.

Habet cedulam, ligt im rat.

Nota die obgenanten xxxii tl. d. hauptguts hat burgermeister und rat von gemainerstat wegen auf sich genomen, hinnantwurten. Actum an Mitichen nach Erasmi anno 91.