Hanns Gebel und Felicitas sein hausfraw habent versaczt die ubertewrung irs hawss, gelegen in der Kernerstrass zenagst weilent Erhartz Han von Salczpurg haws. Uber die vi tl. d. geltz purkrechtz, die maister Michl Klingenstain, kaplan der mess, die Piligreim Snéczl auf Unser Fraw altar in Sand Rueprechtz cappellen gestifft hat, vor darauf hat, und uber die c tl. d., die wei hern Jorgen Perkhaimer, Susannen seiner hausfrawn und irn baiden erben in saczes weis nachmalen darauf verschriben haben. Den erbern geistlichen herrn, dem prior und dem convent dacz den Augustinern zu Wienn umb liiii tl. d. landeswerung, die sy als gelter in dem rat der stat zu Wienn anerlangt haben. Als daz sy der egenant liiii tl. d. von dem hofczins, so von dem egenanten irem haws gevellet, in drein jarn nagstnacheinander komund beczalt, einnemen und emphalen sullen, eins yeden benanten jars an sand Jörgen tag viiii tl. d. und an sand Michels tag auch viiii tl. d. Und sullen sy gegen yeder beczalung quittirn treulich und ungeverlich. Actum an Montag vor sand Thoman tag Apostoli, anno etc. lviiiio.

Summa iii s. xviii d.

Habet cedulam.

Nota den vorgenanten sacz habent die egenanten geistlichen herren per pruder Hannsen, subpriorein ledig gesagt. Actum an Freitag vor sand Pangreczen tag, anno etc. lxmo.