Hanns Aichinger, messrer und Barbara sein hausfraw habent versaczt ir haws, gelegen hinder Sand Pangreczen zenagst Hannsen Tawpschúch des messrer haws an ainem tail, dem erbern weisen Steffan Awer und seinen erben oder wem er die schafft, macht oder geit c und xxxvi tl. d. der swarczen munsse, landeswerung in Osterreich. Und sind zu beczalen alle jar xvi tl. d. der egenanten munss zu den zwain tegen, ains yeden jars viii tl. d. an sand Jorgen tag und viii tl. d an sand Michels tag. Und sullen mit der ersten zalung anheben an sand Jorgen tag nagstkunftigen anverziehen, solang uncz daz sy der vorgenant cxxxvi tl. d. gancz beczalt sein. Welhen tag sy in aber nicht hielten und zu beczalen verczugen, so sullent die andern teg all ab sein und sullent in dann die obgenanten sumen, was in der dennoch unbeczalt ausstend, gancz entrichten an widerred und an alles vercziehen ungeverlich, ut littera sonat. Actum an Freitag nach sand Niclas tag, anno etc. lviiiio.

Summa xx s. d.

Nota den obgenanten sacz hat meister Andre Seydenberger ledig gesagt nach lautt des ubergabbrief zu dem gruntpuch erlegt.