Hanns Tyem und Hanns Zellinger, baid dieczeit Casparn und Jacoben der Welser, Hannsen des Wellser aus der Newnstat seligen sun, die noch nicht gevogt sind, gerhaben habent versaczt die übertew´rung derselben kinder hawss, gelegen in der Wollczeil zenagst Ulrichen des Permans hawss. Über die zwaihundert pfunt Wienner pfenning, darumb dasselb haws vorhin dem obgenanten Hannsen Zellinger und sein erben verseczt ist, der erbern frawn Hedweigen, Steffan Hew`ner, hawsfrawn und Barbaren Lucasen des Wiczinger hausfraun seligen tochter umb zwaihundert Ungrisch gulden, gerecht in gold und wag, die man derselben frawn Hedwigen von der obgenanten frawen Barbaren, irer mutter seligen gemécht wegen schuldig worden ist. Und sind zú beczalen auf den nagstkünfftigen sand Mertten tag an vercziehen. Actum an Sambstag post Mathie Apostoli, anno etc. lxii.

Summa xiii s. x. d.