Hanns Warnhofer hat versaczt die übertew´rung seins hawss, gelegen am Hof zenagst Heinrichen von Essling des pekhen haws an ainer seitten und an der Weissenbrüder freithof zú der anndern seitten. Davon man jerlich dint der stat ze Wienn ain pfunt Wienner pfening an sand Michels tag zu gruntdinst und dem capplan der mess, so her Kristan Rewtter dacz der Himlportten gestifft hat, xx tl. d. zú purkrecht, die abzúlosen sind mit cc tl. d., nach lautt ains purgkrechtbriefs, und den cápplen der messen, die Michel Umkh dacz Sand Steffan ze Wienn gestifft hat, ix tl. und vi s. d., auch zú purkrecht, die abczúlösen sind mit lxxviii tl. d., nach lautt ains purkrechtbriefs und nicht mer. Und über die c tl. d., so Hannsen Malchinger darauf in saczweis verschriben sind, nach lautt ains geltbriefs, dem erbern Hannsen Rötl dem kürsner, Kathrein seiner hausfrawn und iren baiden erben umb c gùter Ungrischer gulden, gerecht in gold und wag. Und sind zù beczalen auf die nachstkünfftigen Pfingsten anvercziehen ungeverlich. Actum an Freytag nach sand Mathias tag Apostoli, anno etc. lxii, ut littera sonat.

Summa vi s. xx. d.

Nota der obgenantt sacz umb die ic gulden ist nach geschéfft meiner herrn · des burgermeister und rats abgetan und Wolfgang Lewbenpekh hat darumb ain schermbrief geben, der zum puch erlegt ist. Actum quarta post Michaelis anno lxx.