Eintrag vom 1463-07-13 Informationen zum Dokument

Hanns Rauscher der sneider, mitburger zu Wienn und Margréth sein hausfraw, Simon Hèrtel der schúster und Kathrey sein hausfrau habent verkaufft vir phunt Wienner phening geltes purkrechtz auf irn zwain halben hewsern, ganczes gelegen am Hohenmarkt, am egk in der Wiltwerherstrass gegen dem Vischmarkcht uber, zenagst Steffans Tengken haws. Das die obgenanten kanlewt miteinander kaufft haben, nach lautt der tailbrief und kauffbrief darumb ausgangen, davon man jerlich dint zway phunt phening gelts purkrechts dem kapplan der mess, die fraw Anna von Ybs auf der Zwelifpoten altar zu Sand Steffan hie zu Wienn gestifft hat und die abzelosen sind mit sechtzehen phunt pheningen, nach lautt ains purkrechtbriefs darumb ausgangen, der hinder mein herren im rathaws erlegt ist. Dem erbern priester hern Wolfgangen Miesler von Potenstain, pharer zu Vosendorf und kapplan der mess, die Perchtold Gewkramer, weilent burger zu Wienn seliger auf Sand Kathrein altar under dem newn Tùrn auf Sand Steffans freythof gestifft hat, und seinen nachkomen kapplen derselben mess. Und sind zu dienn zu drein tégen im jar und abczelosen mit zwainunddreissig phunt Wienner pheningen miteinander und den nagsten dinst damit ungeverlich, ut littera sonat. Actum an Mitichen nach sand Margreten tag, anno etc. lxiiio.

Summa iii s. d.

Hat nun Cristof Scheiber angenommen, libro novo folio.