Eintrag vom 1464-03-16 Informationen zum Dokument

Hanns von Geraw burger ze Wienn hat versaczt. Hanns Mornhaimer, burger ze Wienn hat versaczt sein hauss, gelegen am Kyemarcht zenagst Hannsen Veyal des fleischakher hawss an ainem tail. Der erbern frawn Margreten, Micheln Rábl hausfrawn, die emalen Larenczen Restfeuchter seligen auch eelichen gehabt hat, umb drewhundert phunt Wienner phening, die ir derselb Larencz ir man seliger zú rechter widerlegung auf allem seinem gut verschriben hat, nach lautt der verschribung, so der obgenant Mornhamer noch bei seinen hannden hat. Derselben dreyrhundert phunt phening der obgenant Larencz Restfewchter seiner egemelten hausfrawen Margreten halben tail geschaft hat allen iren frumen damit ze schaffen. Und die ubrigen anderthalbhundert phund phenning sol die obgenant Margret Rablin an ainem erbgút anlegen und das ir lebttag unverkümert innhaben, nützen und nyessen. Und nach irem tod sullen dann dieselben annderthalbhundert phunt phening gevallen und erben, wo sy dann zú recht hin erben und gevallen sullen. Und sind die obgemelten drewhundert phunt phenning zú beczalen auf die nachstkünftigen sand Johanns tag zú súnbenden, an alles vercziehen ungeverlich. Actum an Freytag vor Judica in der vasten, anno etc. lxiiiito.

Summa ii ½ tl. d.

Margret Rablin habet cedulam.

Kunrat Schirmer zu Arnstorf habet cedulam.

Dises haus hat sich bürgermaister und rat in namen der stat unndervunden, sambt bemelten sacz, und bestimbtes haus Sebastian Weyrmair, leinbater verchauftt. Actum etc. 14. Februar anno etc. 47.