Hanns Kalschinger der schúster, mitburger ze Wienn hat verkauft sechs phund phening gelts purkrechts auf seinem halben hauss, ganntzes gelegen im Schiltergésslein, am egk gegen den Túchlauben über. Und ist der erst halb tail desselben ganntzen hawss mit allen sundern geméchen und gemainen stukhen, so nach lautt der tailbrief dartzú gehorend. Umb fünfczigk phunt phening, die eemalen auf dem obgemelten ganntzen hawss gelegen gewesen sein, die man darab geledigt hat. Dem erbern priester hern Petern von Wienn, dieczeit capplan der mess, die maister Albertiny der Púchartzt auf Unser Frawn altar datz Sand Steffan ze Wienn gestift hat, und seinen nachkomen cápplen derselben mess. Und sind zú dienn zú drein tégen im jar und wider abzekauffen umb funfczigk phunt d.1 miteinander und den nagsten dinst damit, an irrung ungeverlich, ut littera sonat. Actum an Montag post Petri et Pauli Apostolorum anno etc. lxvto.
Summa iii s., x. d.