Hanns Gold burger ze Wienn hat versaczt sein hauss gelegen in der Vordern Pekhenstrass am egk zenagst Fridrichs Gsméchl hauss das ettwann des Krewssen gewesen ist an aimm tail und stösset mit dem hinderntail an die padstuben in der Wollczeil der erbern frawn Dorotheen Hannsen Lanngen seligen tochter seiner hausfrauen. Umb zwayhundert phund phennig haimstewr die sy im zúpracht hat und umb drew hundert phund phenning widerlegung so ir der obgemelt Gold ze widerlegen versprochen hat nach lautt ainer verschreibung so von dems(elben) Golden darumb ausgangen noch vorhannnden ist alles nach der stat rechten ze Wienn ungeverlich. Actum an sand Elspeten tag, anno etc. lxvo.¹

Summa iiii t xl d.

Teschler habet cedulam.

Nota die egenant Dorothe Goldin, yecz Jörgen Attingers burger zu Straubing uxor², hat die vorgenant zwo Summa gelts haimstewr und widerlegung úbergeben des egnant irs mann des Golden kindern irn steufkindern ut übergab, dieselben kinder habent den sacz ut quittung bey dem púch mitsambt der übergab erlegt, ledig gesagt feria secunda in vespra Philippi et Jacobi Anno 98.