Eintrag vom 1466-08-09Informationen zum Dokument

Hanns Haidin Schuester hat versaczt die ubertewrung seins hawss gelegen am Alten Kolmarkht zenagst Symon Prunner satler hawss an ainer seytten und zu der andern seytten etwenn Wennczlaben Rawber des kursner hawss, uber die funffundvirczigk phunt phenning, darumb es emalen Hainrichen Ursenperger mitburger zu Wienn und Margrethen seiner hausfrawen und iren baiden erben versaczt ist, der erbern Annen Mathesen Hengst des schuster hausfrawen und Lucasen irm prúderen, der noch unvogtper ist, umb lxxxiiii tl. d. die in gesprochen sind, von alles irs Endleins, Symons Widmer gelassen gut was des erblich und mit geschéfft an sy komen ist und sind zubezalen zu drein tégen, zu sand Merten tag, zu dem vaschanng und zu den Phingsten nagstkúnfftigen zu yeden egenanten tag xxviii tl. d. nach lautt des spruchs darumb ausgangen. Actum in vigilia Laurencii, anno etc. lxvito.

Summa v s. xviii d.

Mathes Hengst habet cedulam.

Nota die vorgenant xlii tl. d. so dem egenant Lucasen zugehóren. Sind im auf Math(esen) Hengst haws vor Widmer tor in dem gruntpunch zu He[..] verschriben.