Eintrag vom 1466-08-11Informationen zum Dokument

Hanns Phuntinaschen Conraten Phuntinaschn weilent burger zu Wienn seligen sun, hat versaczt die úbertewrung seins hawss gelegen undern Satlérn, gegen dem prúnn uber an ainen tail, und mit dem andern tail in der Spanglergassen, und ist vormalen in zwen táil getáilt gewesen, úber die sechs phunt und sechtzigkh d. gelts purkrechts, darumb es vormalen, herrn Hannsen Oppenweyler capplan der mess so der Huetstokh auf Sand Kathrein altar zu Sand Stephan hie gestifft hat und uber die drew phunt phening gelts purkrechts darumb es emalen herrn Hannsen Heinisch von Kranstat capplan der mess so die von Esloren auf Unser frawen altar zu Sand Peter hie gestifft habend und iren nachkommen der obgemelten mess, versaczt ist. Dem erbern Ruprechten Rein burger zu Wienn, und seinen erben, umb zwayhundert und anderthalb Ungrischen guldein gerecht in gold und wag, die er im zuerledigung seiner venkhnúss yetz gelihen hat, und sind zu bezalen, halb auf Mitvassten nagstkúnfftig, und den andern halben tail der obgenant summa guldein, auf sand Jacobs tag im snyt auch darnach nagstvoligund, an alles verziehen ungeverlich, und ob der vorgenant Hanns Phuntinaschen halben tail, der vorgenant summa guldein auf Mitvassten alsvor stet, dem egenanten Ruprechten Rein und sein erben nicht ausrichtet und bezalet, so sol sy dann derselbe Phuntinaschen darnach an alles verziehen der ganntz summa an alles verziehen entrichten und bezalen getrewlich und ungeverlich. Actum an Montag post Laurencii Anno etc. lxvito.

Summa ii tl. d.

Rein habet cedulam.

Ex iussu consilii.