Eintrag vom 1468-09-14Informationen zum Dokument

Hainreich Úrsenperger burger zu Wienn, und Margreth sein hausfraw habendt versaczt ir hawss, gelegen in der Wiltbergerstrass zenagst Hannsen Trew hawss an ainem tail, und an dem andern zenagst Hannsen Strasser fúrer hawss. Dem erbern Ambrosien Kauffmann Wennczlaben Kauffmann weilent gesessen zu Kornnewnburg seligen sun und sein erben, umb lxxx phunt Wienner phenning, und sind zubezalen xxv tl. d. auf die quottember zu den Weinachten, fúnffundzwaintzigkh phunt zu der quottember in der vassten und fünffundzwaintzigkh phunt Wienner phenning zu der quottember zu den Phingsten all zeit und frist nagstnacheinander kunfftigen an alles verziehen getrewlich und ungeverlich. Actum an Mitichen des heiligen krewcz tag exaltacionis, anno domini etc. lxviiivo ut littera sonat.

Summa v s. d.

Nota an dem obigen sacz seinn bezalt l tl. d. laut ainer quitt(ung) und der geltbrief ist zu dem gruntpuch nicht bracht. Dar(umb) haben Margr(ethe) Hannsen genant hausfraw und Barbara ir tochter Jorgens Reinharts hausfraw ein schermbrief zus(ambt) der bemelten quittung zu dem gruntpuch erlegt. Actum an phincztag post nativitatis Marie Anno domini etc. lxxxx.