Eintrag vom 1468-09-30Informationen zum Dokument

Hanns Andre der maler mitburger zu Wienn hat versaczt sein halbs haws gannczes gelegen am Allten Rossmarkt zenagst dem Raubergésslein an ainn tail und an dem andern zenagst Niclasen Egkher zingiesser hawss, und ist der ander tail des bemelten gannczes hawss zenagst dem vorgenant Raubergésslein mit allen den geméchen und gemainn stukhen, so nach lautt der tailbrief darczu gehóren, junkhfrawen Genevéven seiner tochter, die noch ungevogt ist umb xi tl. d. von wegen des geschéffts, das im sein hausfraw Barbara ir muter getann hat, und sind zubezalen wann dieselb junkhfraw Geneveva vogtper wirdet, an alles verziehen. Gieng sy aber ungevogt ab, so sullen die benant xl tl. d. auf den vorbenant Hannsen Andren iren vater gevallen an alle widerred getrewlich und ungeverlich. Actum an Freitag nach sand Michels tag, anno domini etc. lxviiivo.

Summa lxxx d.