Eintrag vom 1468-10-17Informationen zum Dokument

Hanns Kampp der Brünner hat versaczt sein hawss gelegen in der Walichstrass zenagst Stephans Pewgelpekhen hawss an ainn tail, Wolfgangen und Margrethen Jacoben Pignolten des Vilczhueter seligen kinder, die er bey Barbara seiner hausfrawen gehabt¹, die yetz Giligen Herten auch elichen gehabt hat, umb xx tl. d. die in der vorgenant Jacob ir vater geschafft hat nach lautt seins geschéffts daz im statpuch hie geschriben stet und sind zubezalen, wann die benanten kinder vogtper werden, an alles verziehen. Gingen sy aber ungevogt ab, so sullen dieselben xx tl. d. gevallen und erben auf die vorgenant Barbaren ir mutern, nach lautt des bemelten geschéffts. Actum an Montag nach sand Colmanns tag, anno domini etc. lxviiivo.

Summa xl d.

Nota die obgenat xx tl. d. sein in des spitals gruntpuch auf Ursulen Hannsen Toczkelbler hausfraw versch(riben) ut zedula, die zu dem gruntpuch erlegt ist. Actum an Eritag nach sand Maria Magdalen tag, anno 72.