Hanns Himl dieczeit des rats der stat zu Wienn und Helen sein hausfraw habent verkaufft syben Ungrisch guldein in gold ierlicher gult, auf irm hawss gelegen in der Kernerstrass zenagst Mathesen Altpekhen seligen haws und auf zwain weingérten, die der stat grunt nicht sein, der erwirdigen facultet der juristen zu Wienn und allen irn nachkomen. Umb hundert Ungrisch guldein gerecht in gold und wag. In der maynnung, das sy und ir erben nú furbaser der egenanten facultet die egemelten vii guldein gelts ierlich geben und ausrichten sullen. Zu den zwain tégen im jar zu sand Jorgen tag und zu Weichnachten. Es ist auch die egenant jargult wider abczekauffen, zu yeder zeit im jar umb c Ungrisch guldein und die nagst gult damit ut littera sonat. Actum an Sambstag nach sand Pauls tag seiner bekerung, anno etc. lxviiii.

Summa vi s. xx d.

Nota Larenntz Taschnndorffer hat anstat Margarethen seiner hausfraw, des genant Hainl und Helen seiner hausfraw tochter, die ebemelten l guldein Hungrisch haubtgut nidergelegt an phincztag sand Valenthin tage anno 89 episcopi, anno 90. Und sollen nit ausgeben werden, dann der purkhrechtbrief werde zum puch pracht und vernicht. Der brief ist zum buch bracht und vernicht an der stat gruntins(i)gl. Actum [feria] sexta post Pangreci anno 90. Seinn widerumb ausgelihenn auf Cristoffen Pemflinger haws am Chienmarkht. Actum 5ta die Oswaldi Anno 90.