Eintrag vom 1469-08-11Informationen zum Dokument

Hanns Prawn wuntarczt und Agnes sein hausfraw habent verkaufft vier phunt Wienner phenning gelts purkrechts auf irem halben hawss gannczes gelegen, in der Kernerstrass zenagst herrn Andres Schönnprukher, burgermaisetr hawss, und ist der ersst tail des bemelten gannczen hawss mit allen den geméchen und gemain stukhen, so nach lautt der tailbrief darczu gehörig, umb zwayunddreissigkh phunt phenning, dem erbern priester herrn Linharten Newnkircher, capplan der mess, so Hannsen von Ybs auf Sand Stephan der Zweliffpoten altar hincz Sand Stephan hie gestifft hat, und sein nachkomen capplén derselben mess und sind zu dienn zu drein tégen, und sullen mit dem erssten dinst anheben zu Weinachten nagstkunfftigen. Es ist auch dass purkrecht widerumb abzekauffen mit xxxii tl. Wienner d. und dem nagsten dinst damit ut littera sonat. Actum an Freitag nach sand Lorenczen tag, anno domini etc. lxviiiivo.